စာငှားစည်းမျဉ်း

ကံ့ကော်တောစာကြည့်တိုက်အသင်းဝင်များသည် အောက်ဖော်ပြပါစည်းမျဉ်းများကို လိုက်နာရပါမည်။:

၁။ အသင်းဝင်အမှတ်(သို့)အသင်းဝင်ကတ်ကို အခြားသူသို့လွှဲပြောင်းခြင်းမပြုလုပ်ရပါ။

၂။ စာအုပ်များကို သတ်မှတ်ရက်အတွင်းအချိန်မီအပ်နှံရမည်ဖြစ်ပြီး သတ်မှတ်ရက်ထက်ကျော်လွန်ပါက နှိုးဆော်စာပေးပို့မည်ဖြစ်သည်။

၃။ ငှားရမ်းထားသောစာအုပ်များကို သတ်မှတ်ရက်အတွင်းပြန်လည်အပ်နှံခြင်းမရှိပါက ဒဏ်ကြေး တစ်ပတ်လျှင် တစ်ထောင်ကျပ် (၁၀၀၀ ကျပ်) ပေးဆောင်ရမည်။

၄။ ငှားရမ်းရန်စောင့်ဆိုင်းသူရှိသော စာအုပ်ကို သက်တမ်းတိုးမြှင့်ခြင်းမပြုနိုင်ပါ။

၅။ ငှားရမ်းထားသော စာအုပ်များကို ရိုသေစွာ ကိုင်တွယ်ရမည်။

၆။ ငှားရမ်းထားသော စာအုပ်ပေါ်တွင် မျဉ်းသားခြင်း၊ ရေးမှတ်ခြင်းများ မပြုလုပ်ရပါ။

	စာအုပ်အရေအတွက်	စာငှားကာလ
ဆရာ/မ၊ သင်ကြားရေးဝန်ထမ်း	၃ အုပ်	၃ ပတ်
ကျောင်းသား	၂ အုပ်	၂ ပတ်
ပြင်ပစာငှား	၁ အုပ်	၁ ပတ်

စာအုပ်နှင့် အသင်းဝင်ကတ်ပျောက်ဆုံးပျက်စီးခြင်း

၁။ စာကြည့်တိုက်မှငှားရမ်းထားသော စာအုပ်များ ပျောက်ဆုံး၊ ပျက်စီးပါက စာကြည့်တိုက်သို့ ချက်ချင်း အကြောင်းကြားရမည်ဖြစ်ပြီး ထိုစာအုပ်၏ကာလပေါက်ဈေးနှုန်းနှင့် သယ်ယူပို့ဆောင်ခကုန်ကျငွေတို့ကို ပေးလျော်ရမည်ဖြစ်သည်။

၂။ စာကြည့်တိုက်အသင်းဝင်ကတ်ပျောက်ဆုံး၊ ပျက်စီးလျှင် ဒဏ်ကြေး နှစ်ထောင်ကျပ်(၂၀၀၀ ကျပ်) ပေးသွင်းရမည်ဖြစ်သည်။

စာကြည့်တိုက်အတွင်း ရှောင်ကျဉ်ရမည့်အချက်များ

၁။ စာကြည့်တိုက်အတွင်ဆေးလိပ်မသောက်ရပါ။

၂။ အစားအစာနှင့် အရည်များကို စာကြည့်တိုက်အတွင်းယူဆောင်မလာရပါ။

၃။ စာကြည့်တိုက်အတွင်း ဆူညံခြင်းမပြုလုပ်ရပါ။

၄။ စာကြည့်တိုက်အတွင်းတွင် ဖုန်းကို အသံပိတ်ထားရပါမည်။

စာကြည့်တိုက်သို့လှုဒါန်းခြင်း

၁။ စာကြည့်တိုက် ဖွံ့ဖြိုးတိုးတက်စေရန် အလို့ငှာ အလှူရှင်တို့မှလှူဒါန်းသော ငွေကြေးနှင့် စာအုပ်စာတမ်းများလှူခြင်းတို့ကို လက်ခံပါသည်။

၂။ ပျက်စီးနေသော စာပေပစ္စည်းများနှင့် အခြားမသင့်လျော်သောစာအုပ်များ လှူဒါန်းသည်ကို လက်မခံပါ။

အသင်းဝင်စည်းမျဉ်းများ

၁။ စာကြည့်တိုက်အသင်းဝင် (အွန်လိုင်းစာကြည့်တိုက်) များသည် ကံ့ကော်တောအွန်လိုင်းစာကြည့်တိုက်ပေါ်ရှိ အီလက်ထရွန်နစ် စာပေပစ္စည်းများကို ဖတ်ရှုနိုင်ပါသည်။

၂။ စာကြည့်တိုက်အသင်းဝင် (အွန်လိုင်းနှင့် ပြင်ပစာကြည့်တိုက်) များသည် ကံ့ကော်တောအွန်လိုင်း စာကြည့်တိုက်ပေါ်ရှိ အီလက်ထရွန်နစ် စာပေပစ္စည်းများအပြင် စာကြည့်တိုက်ရှိ စာအုပ်စာတမ်းများကိုပါ ငှားရမ်း ဖတ်ရှုနိုင်ပါသည်။

၃။ စာကြည့်တိုက်အသင်းဝင်အသစ်များသည် အွန်လိုင်းအသင်းဝင်ပုံစံတွင် အချက်အလက်များ ဖြည့်သွင်းပြီး အောက်ဖော်ပြပါ အထောက်အထားများ ပူးတွဲတင်ပြရပါမည်။:

၁။ လိုင်စင်ဓာတ်ပုံ (၁) ပုံ

၂။ မှတ်ပုံတင်ကတ်၏အရှေ့ဖက်ခြမ်းဓာတ်ပုံ

၃။ ငွေလွှဲပြီးစီးကြောင်းပြေစာအထောက်အထားဓာတ်ပုံ

၄။ အသင်းဝင်းသက်တမ်းတိုးသူများသည် အသင်းဝင်ပုံစံတွင် အချက်အလက်များ ပြန်လည်ဖြည့်သွင်းရမည် ဖြစ်ပြီး ငွေလွှဲပြီးစီးကြောင်းပြေစာအထောက်အထားဓာတ်ပုံကို ပူးတွဲတင်ပြရပါမည်။:

၅။ ကျောင်းသူကျောင်းသားများအနေဖြင့် ၎င်းတို့ သင်တန်းကာလပြီးဆုံးပြီးနောက်တစ်ပတ်တွင် အသင်းဝင်ကာလပြီးဆုံးမည်ဖြစ်ပါသည်။

၆။ စာကြည့်တိုက်အသင်းဝင်းများသည် စာကြည့်တိုက်ရှိ စာပေပစ္စည်းများအားလုံးကို မူပိုင်ခွင့် ဥပဒေ နှင့်အညီ အသုံးပြုရပါမည်။

၇။ စာကြည့်တိုက်ကို စိတ်ပါဝင်စားသော အများပြည်သူများနှင့် သုတေသီများအားလုံးအသုံးပြုနိုင်ပါသည်။

၈။ အသင်းဝင်များသည် တစ်နှစ်တစ်ကြိမ်အသင်းဝင်သက်တမ်းတိုးရမည်ဖြစ်သည်။ (အသင်းဝင်ရောက်သည့်နေ့မှ တစ်နှစ်ပြည့်သည်အထိ)

၉။ Membership Payment -

၁၀။ အသင်းဝင်ကြေးမှာ-:

စဉ်	အသင်းဝင်အမျိုးအစား	အသင်းဝင်ကြေး(နှစ်စဉ်ကြေး)
၁။	ဆရာ/မ၊ ကျောင်းသား/သူ၊ သင်ကြားရေးဝန်ထမ်းများ	အခမဲ့
၂။	အွန်လိုင်းစာကြည့်တိုက်အသင်းဝင်များ	အခမဲ့
၃။	အွန်လိုင်းစာကြည့်တိုက်နှင့် စာကြည့်တိုက်အသင်းဝင်များ	အခမဲ့